Outro curso máis volvemos a traballar nun proxecto de Voz Natura, este ano, no que se cumpren 25 anos do programa, participamos 365 centros educativos e asociacións.
O lema desta 25ª edición é “ O froito de 25 anos de compromiso“ e baseándonos niso o noso centro deseñou o proxecto, que leva por título, “Comprometidos co medio ambiente”. Intentaremos relacionar todas as actividades con este tema ao longo deste curso escolar, co obxectivo de concienciar aos nosos alumnos/as da importancia do coidado do Medio Ambiente. Seguiremos a traballar no noso horto, na compostaxe, na mellora dos patios, no Camiño de Santiago e por suposto e sobre todo no coidado do “Coto da Gaiteira”.
Todas actividades que fagamos irémolas colgando neste Blog e estaremos encantados de recibir os vosos comentarios, propostas e suxestións.
Facendo Camiño 